Xarici İşlər Nazirliyi (XİN) tərəfindən 2025-ci il ərzində beynəlxalq və mədəni tədbirlərin təşkili ilə bağlı iki satınalma keçirib.
Oxu.Az xəbər verir ki, hər iki satınalma bir mənbə metodu ilə həyata keçirilib.
Birinci satınalma "Azərbaycan mədəniyyəti coğrafiyası" adlı tədbirin həyata keçirilməsini əhatə edir. Bu məqsədlə Avrasiya Beynəlxalq İnkişaf Assosiasiyası İctimai Birliyi ilə müqavilə bağlanıb. Müqavilənin məbləği 196 min 330 manat təşkil edir.
İkinci satınalma isə Braziliya Federativ Respublikasının Belem şəhərində cari ilin noyabr ayında keçirilən COP30 çərçivəsində "Bakı Mərkəzinin İllik Yüksəksəviyyəli Dialoqu" adlı tədbirin təşkili ilə bağlıdır. Bu satınalma Dialoq və Əməkdaşlıq Uğrunda İslam Konfransı Gənclər Forumunun Avrasiya üzrə Regional Mərkəzi ilə bağlanıb. Satınalmanın dəyəri 182 min 330 manat olub.
Elmidar Əliyev
