Ən son xəbərləri bizim "Facebook" səhifəmizdə izləyin
"Yanacaq və elektrikdoldurma məntəqələri: Layihələndirmə normaları" təsdiqlənib
Dövlət Şəhərsalma və Arxitektura Komitəsinin Kollegiyası "Yanacaq və elektrikdoldurma məntəqələri. Layihələndirmə normaları"nı təsdiq edib.
Oxu.Az xəbər verir ki, bununla bağlı kollegiyanın sədri Anar Quliyev yeni qərar imzalayıb.
Qərara əsasən, yol ötürücülərində və onların altındakı yerlərdə yanacaqdoldurma məntəqəsinin yerləşdirilməsinə yol verilmir.
Bundan başqa, elektrikdoldurma məntəqələrinin tutumu elektrik avtomobil parkının mövcud vəziyyəti və inkişaf perspektivləri, eləcə də elektrik enerjisi doldurma avadanlıqlarının məhsuldarlığı əsasında müəyyən ediləcək. Yanacaq və elektrikdoldurma məntəqələrinin tutumu və arasındakı məsafələr hərəkətin intensivliyindən asılı olaraq aşağıdakı kimi müəyyən ediləcək:
| Hərəkətin intensivliyi, ədəd/sutka | Yanacaqdoldurma məntəqəsinin (mayeləşdirilmiş karbohidrogen qazdoldurma məntəqəsinin, elektrikdoldurma məntəqəsinin) tutumu, sutkada doldurma | Yanacaqdoldurma və elektrikdoldurma məntəqələrinin arasındakı məsafələr, km | Yanacaqdoldurma məntəqəsinin (mayeləşdirilmiş karbohidrogen qazdoldurma məntəqəsinin, elektrikdoldurma məntəqəsinin) yerləşdirilməsi |
| 1000-2000 | 250 | 30-40 | Birtərəfli |
| 2000-3000 | 500 | 40-50 | |
| 3000-5000 | 750 | 40-50 | |
| 5000-7000 | 750 | 50-60 | İkitərəfli |
| 7000-20000 | 1000 | 40-50 | |
| 20000-dən çox | 1000 | 20-25 | |
| Qeyd: Yanacaqdoldurma məntəqəsi yolların kəsişmə zonasında yerləşdikdə, onun tutumu xidmət edilən bütün yaxın yolların uzunluğu, bu yollarda hərəkətin intensivliyi və digər hesablama göstəriciləri nəzərə alınmaqla dəqiqləşdirilməlidir. | |||
Həmçinin maye mühərrik yanacaqlı yanacaqdoldurma məntəqəsinə əlavə tələblər müəyyənləşdirilib.
Komitənin Ümumi işlər və ictimaiyyətlə əlaqələr şöbəsinə və Hüquq şöbəsinə Hüquqi Aktların Dövlət Reyestrinə daxil edilməsi üçün 3 gün müddətində Ədliyyə Nazirliyinə göndərilməsi tapşırılıb.
"Ədliyyə Nazirliyi" teqi üzrə xəbərlər
- Ədliyyə Nazirliyinin Probasiya Xidməti CEP-in Antalya konfransında təmsil olunub
- Məhkəmə ilk dəfə barışıq sazişi əsasında şəxsi çəkilməmiş cəzadan azad etdi
- Vergi ödəyiciləri üçün nağdsız aparılmalı olan ƏDV hesablaşmalarına dəyişiklik edilib
- Rusiyadan Azərbaycana dörd nəfər ekstradisiya edildi
- Azərbaycanda saxlanılan Özbəkistan vətəndaşı ölkəsinə təhvil verilib
Ən çox oxunanlar
