İran Yaponiya şirkətlərinə neft satışı ilə bağlı danışıqlara başlayıb.
Oxu.Az xəbər verir ki, bu barədə "Reuters" agentliyi mənbələrə istinadən məlumat yayıb.
Mənbələrin sözlərinə görə, potensial alıcılar ABŞ sanksiyalarından daha uzunmüddətli azadolma və Fars körfəzində təhlükəsiz gəmiçiliklə bağlı təminatlar əldə etməyə çalışırlar.
Xatırladaq ki, iyun ayında ABŞ onilliklərdir qüvvədə olan sanksiyaları yumşaldaraq İran neftinin satışına icazə verib. Vaşinqton bununla Tehranın nüvə obyektlərində yoxlamalar və Hörmüz boğazında sərbəst gəmiçiliyin təmin edilməsi ilə bağlı öhdəlikləri müqabilində yekun sülh sazişinə nail olmağa çalışır.
Hazırda ABŞ Maliyyə Nazirliyinin sanksiyalardan azadolma qərarı iranmənşəli xam neftin, neft-kimya məhsullarının və neft məhsullarının avqustun 21-dək satışına imkan verir.
