38 yaşlı qadın dayısı tərəfindən qətlə yetirildi - İDDİA + Hadisə yerindən GÖRÜNTÜLƏR

Abşeron rayonunda dəhşətli qətl hadisəsi baş verib.

Oxu.Az Baku TV-yə istinadən bildirir ki, hadisə Masazır qəsəbəsi, Əliağa Vahid küçəsindəki binalardan birində qeydə alınıb.

Belə ki, 38 yaşlı Türkan Abdurəhimovanın dayısı tərəfindən öldürüldüyü bildirilir. İddialara görə, dayısı bacısının qızını əvvəlcə vəhşicəsinə döyüb, daha sonra isə onu qətlə yetirib.

"Pəncərədən baxıb gördüm ki, həyətdə kimsə yıxılıb. Bildim ki, belə bir hadisə olub. Bura təzə köçmüşdü, 2 uşağı var idi", - deyə mərhumun qonşusu bildirib.

Hadisəni törətməkdə şübhəli bilinən 58 yaşlı Şakir Rzayev polis əməkdaşları tərəfindən saxlanılıb.

Faktla bağlı Abşeron Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Ətraflı süjetdə:

38 yaşlı qadın dayısı tərəfindən qətlə yetirildi - İDDİA + Hadisə yerindən GÖRÜNTÜLƏR

30 yanvar, 16:38

Abşeron rayonu Masazır kəndində 1987-ci il təvəllüdlü Türkan Abdurəhimova kəsici alətlə qətlə yetirilib.

Oxu.Az-ın "Report"a istinadən məlumatına görə, cinayət əməlini törətməkdə şübhəli bilinən T.Abdurəhimovanın dayısı, 1967-ci il təvəllüdlü Şakir Rzayev polis əməkdaşları tərəfindən saxlanılaraq istintaqa təhvil verilib.

Faktla bağlı araşdırma aparılır.

16:08

Abşeronda 38 yaşlı qadın qətlə yetirilib.

Oxu.Az "Report"a istinadən xəbər verir ki, hadisə Masazır kəndində qeydə alınıb.

1987-ci il təvəllüdlü Türkan Allahverdiyevanın dayısı tərəfindən öldürüldüyü bildirilir.

Faktla bağlı araşdırma aparılır.