Abşeronda baş verən bıçaqlanma hadisəsinin təfərrüatı məlum olub.
Oxu.Az xəbər verir ki, atasını bıçaqlayan Ceyhun Əliyevin anası əri və oğlu arasında dəfələrlə mübahisə olduğunu deyib.
O bildirib ki, əri çox söyüşkən olduğu üçün oğlu onunla dəfələrlə mübahisə edib.
O, oğlunun epilepsiya xəstəsi olduğunu da qeyd edib.
Daha ətraflı İTV-nin süjetində:
09:36
Abşeronda oğul atasını bıçaqlayıb.
“Report” xəbər verir ki, Ceyhun Mobil oğlu Əliyev Abşeron rayonu Masazır kəndi, Hamlet Həşimov küçəsi, ev 15 ünvanında yerləşən mənzildə atası - 1956-cı il təvəllüdlü Mobil Məhərrəm oğlu Əliyev ilə şəxsi münasibətlər zəminində baş vermiş mübahisə zamanı sonuncunun qarın nahiyəsindən qəsdən iki dəfə bıçaqla zərbə vuraraq Mobil Əliyevə həyat üçün təhlükəli olan qəsdən sağlamlığa ağır zərər vurmaya aid xəsarət yetirib.
Faktla bağlı Abşeron Rayon Polis İdarəsinin İstintaq Şöbəsində Cinayət Məcəlləsinin 126.1-ci maddəsi ilə cinayət işi başlanaraq istintaq aparılır.
Ceyhun Əliyev 22.01.2024-cü il tarixdə şübhəli şəxs qismində tutulub, 24 yanvar 2024-cü il tarixdə o, Cinayət Məcəlləsinin 126.1-ci maddəsi ilə təqsirləndirilən şəxs qismində cəlb edilib və ona həmin maddədə nəzərdə tutulmuş ittiham elan edilib.
