Ağdamda dibçəkdə çətənə bitkisi yetişdirən şəxs saxlanılıb

Ağdam rayonunda çətənə bitkisinin kultivasiyası ilə məşğul olan şəxs saxlanılıb.

Daxili İşlər Nazirliyinin Mətbuat Xidmətinin Bərdə regional qrupundan Oxu.Az-a verilən məlumata görə, Ağdam Rayon Polis Şöbəsinin əməkdaşlarının keçirdikləri əməliyyat tədbirləri nəticəsində çətənə bitkisinin kultivasiyasını təşkil etməkdə şübhəli bilinən rayon sakini Elvin Hüseynov saxlanılıb. Onun həyətyanı sahəsində aparılan axtarış zamanı dibçəklərdə aqrotexniki qaydada qulluq edərək yetişdirdiyi 17 ədəd çətənə bitkisi və eləcə də, marixuana aşkar edilib.

Faktla bağlı cinayət işi başlanılıb, araşdırmalar davam etdirilir.