Ən son xəbərləri bizim "Instagram" səhifəmizdə izləyin

Arutyunyan Gəncənin bombalanması barədə məlumatı Ermənistanın baş qərargah rəisindən aldığını deyib
Martın 14-də Bakı Hərbi Məhkəməsində davam etdirilən məhkəmə prosesində təqsirləndirilən şəxs Arayik Arutyunyan dövlət ittihamını müdafiə edən prokurorların suallarını cavablandırarkən Gəncə şəhərində mülki infrastrukturun və dinc əhalinin raket atəşinə tutulmasından da danışıb.
Oxu.Az AZƏRTAC-a istinadən xəbər verir ki, o, bu barədə Ermənistan silahlı qüvvələrinin baş qərargah rəisi Onik Qasparyandan məlumat aldığını bildirib: "Ermənistan silahlı qüvvələrinin baş qərargah rəisi Onik Qasparyan idi. Baş qərargah deyib, mənim baş qərargah rəisi ilə söhbətim olub. Birinci mərhələdə mənə Gəncədə yerləşən hava limanının vurulması barədə məlumat verib. Daha sonra isə mənim onunla heç bir təmasım olmayıb".
Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarının məhkəməsi davam etdirilir.
"Arayik Arutyunyan" teqi üzrə xəbərlər
- Arayik Arutyunyan məhkəmədə Ruben Vardanyanla bağlı danışıb
- Erməniəsilli şəxslərin məhkəməsində sənədlərin tədqiqi mərhələsi başlayıb
- Hərbi cinayətlər törətməkdə təqsirləndirilən erməniəsilli şəxslərin məhkəməsi davam etdirilir
- BQXK Azərbaycanda hərbi cinayətlərdə ittiham olunan ermənilərə baş çəkib
- Arayik Arutyunyan və digərlərinin məhkəməsi TƏXİRƏ SALINDI