Qətlə yetirilən FHN əməkdaşının FOTOSU

Gəncə şəhərində FHN-nin əməkdaşları arasında baş verən silahlı insidentlə bağlı bəzi təfərrüat məlum olub.

"Qafqazinfo" xəbər verir ki, 1994-cü il təvəllüdlü Zahid Sarıyev aralarında yaranmış mübahisə zamanı iş yoldaşı 1998-ci il təvəllüdlü Mehrac Əsədova odlu silahdan atəş açaraq öldürməkdə şübhəli bilinir.

Hər iki şəxs dost və iş yoldaşı olublar.

Dünyasını dəyişən M.Əsədov Samux rayonunun Qarayeri qəsəbə sakinidir və ailəli olub.

Hadisəni törətməkdə şübhəli bilinən Z.Sarıyev isə Gəncə şəhər sakinidir.

Faktla bağlı Gəncə Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.

Qətlə yetirilən Mehrac Əsədovun fotosunu təqdim edirik:

17:30

Odlu silahla iş yoldaşını öldürməkdə şübhəli bilinən şəxs tutulub.

Bu barədə Oxu.Az-a Gəncə Şəhər Prokurorluğundan məlumat verilib.

Bildirilib ki, iyunun 10-da, saat 15 radələrində bir nəfər şəxsin odlu silahdan açılmış atəş nəticəsində ölməsi barədə Gəncə Şəhər Prokurorluğuna məlumat daxil olub.

Araşdırmalarla 1994-cü il təvəllüdlü Zahid Sarıyevin aralarında yaranmış mübahisə zamanı şəhər avtovağzalının qarşısında iş yoldaşı 1998-ci il təvəllüdlü Mehrac Əsədova odlu silahdan atəş açaraq onu qəsdən öldürməsinə əsaslı şübhələr müəyyən edilib.

Faktla bağlı Gəncə Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.

Zahid Sarıyev şübhəli şəxs qismində tutulub.

16:36

Gəncədə Fövqəladə Hallar Nazirliyinin iki əməkdaşının mübahisəsi qanla bitib.

"Unikal"ın məlumatına görə, mübahisə zamanı onlardan biri digərini odlu silahla güllələyib.

1991-ci il təvəllüdlü Mehrac Əsədov aldığı güllə yarasından hadisə yerində ölüb.

Hadisə yerinə təcili tibbi yardım briqadaları cəlb olunub.

Qeyd edək ki, hadisə həmin şəxslərin VAZ-2106 markalı avtomobillə hərəkətdə olan zaman baş verib. Güllələnərək öldürülən şəxs sükan arxasında olub. Hadisədən sonra avtomobil aşıb.