Bakıda cənazədaşıyan avtomobilin sürücüsü BIÇAQLANIB?

"Zabrat qəsəbəsi ərazisində 35 yaşlı A.Abbasquliyevin tikinti ərazisində yıxılaraq xəsarət alması müəyyən edilib".

Bunu Oxu.Az-a açıqlamasında Daxili İşlər Nazirliyinin Mətbuat Xidmətinin əməkdaşı Elbrus İbrahimov deyib.

O qeyd edib ki, dekabrın 24-ü, gecə saatlarında paytaxtın Sabunçu rayonunun Zabrat qəsəbəsi ərazisindən 35 yaşlı A.Abbasquliyevin xəsarətlə xəstəxanaya yerləşdirilməsi barədə polisə məlumat daxil olub.

"Məlumatla bağlı aparılan araşdırmalar nəticəsində həmin şəxsin tikinti ərazisində yıxılaraq xəsarət alması müəyyən edilib. Bu barədə vətəndaş özü də izahatında bildirib. Hazırda araşdırmalar davam etdirilir".

Əzizə İsmayılova

02:24

Bakının Sabunçu rayonunda bir nəfər bıçaqlanıb.

Oxu.Az APA-ya istinadən xəbər verir ki, hadisə Zabrat qəsəbəsində baş verib.

Belə ki, 1989-cu il təvəllüdlü Abdulla Bayram oğlu Abbasquliyev dava zamanı bıçaqlanıb.

Yaralı çoxsaylı bıçaq xəsarətləri alıb və xəstəxanaya yerləşdirilib. Onun əməliyyata alındığı bildirilir.

Qeyd edək ki, A.Abbasquliyev cənazə daşıyan avtomobilin sürücüsüdür.