Bu gün Bakıda dəhşətli yol nəqliyyat hadisəsi baş verib.
Oxu.Az BAKU.WS-ə istinadən xəbər verir ki, hadisə Qala yolunda qeydə alınıb. Əldə etdiyimiz məlumata görə, qatar çörək daşıyan “Qazel”i vurub.
Dəmiryolu xəttinin qarşısında şlaqbaun olmadığı üçün faciənin qarşısını almaq mümkün olmayıb. Qəza nəticəsində “Qazel” sürücüsü və sərnişin hadisə yerindəcə dünyasını dəyişib.
10:18
Bu gün Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Xəzər rayonunda “QAZ” markalı yük avtomobili dəmir yol keçidi ilə hərəkət edən yük qatarına çırpılması nəticəsində nəqliyyat hadisəsi baş verib.
Oxu.Az-ın nazirliyin saytına istinadən verdiyi xəbərə görə, nazirliyin müvafiq xilasetmə qüvvələri hadisə yerinə cəlb olunub.
Deformasiyaya uğramış avtomobildən sürücünün sıxılmış vəziyyətdə qalmış meyiti çıxarılaraq aidiyyəti üzrə təhvil verilib. Əməliyyat saat 06:32-də başa çatıb.
E.Ə.
www.oxu.az
