Xətai Rayon Məhkəməsində dələduzluqda təqsirləndirilən Ramal Əliyevin (ad və soyadı şərtidir) cinayət işi üzrə məhkəmə istintaqı yekunlaşıb.
Oxu.Az Pravda.az-a istinadla xəbər verir ki, hakim Sülhanə Hacıyevanın sədrliyi ilə keçirilən prosesdə hökm oxunub.
Məhkəmənin hökmü ilə Ramal Əliyev 2 il müddətinə azadlıqdan məhrum edilib.
İttihama görə, Ramal Əliyev Bakı şəhəri, Xətai rayonu, Xocalı prospektində yerləşən birotaqlı, tam təmirli mənzili kirayə götürmək adı ilə 2023-cü il iyulun 3-də zərərçəkmiş Təranə Soltanova (ad və soyadı şərtidir) əri ilə müqavilə bağlayıb. Sonra o, bir müddət mənzildə yaşayıb və 2023-cü il dekabr ayından 2024-cü ilin fevralın 17-dək olan müddət ərzində mənzildən ümumilikdə 33 320 manat dəyərində əşyaları ələ keçirib, istintaqla müəyyən edilməyən şəxslərə satıb.
Hadisədən sonra Ramal Əliyev saxlanılaraq cinayət məsuliyyətinə cəlb edilib.
