Cəlilabad rayonunda dayısının həyat yoldaşını öldürməkdə şübhəli bilinən yeniyetmə saxlanılıb.
Oxu.Az xəbər verir ki, 2011-ci il təvəllüdlü Anar Əzizov polis əməkdaşları tərəfindən saxlanılaraq istintaqa təhvil verilib.
Cəlilabadda dayısının həyat yoldaşını öldürməkdə şübhəli bilinən yeniyetmə hadisə yerindən qaçıb.
Oxu.Az "Report"a istinadən xəbər verir ki, Anar Əzizovun psixoloji problemlərinin olduğu bildirilir.
Hadisəni törətməkdə şübhəli bilinən A.Əzizovun ailəsi Rusiyada yaşayır və o, bir müddətdir ki, dayısının evində qalırdı. Hadisə baş verən vaxt onun dayısı evdə olmayıb.
İlkin məlumata görə, A.Əzizov əlindəki kəsici alətlə dayısının həyat yoldaşı, S.Cəfərovaya hücum edib. Müxtəlif dərəcəli bədən xəsarətləri alan qadın elə yerindəcə həyatını itirib. Qanlı hadisə vaxtı evdə mərhumun iki azyaşlı övladı da olub. Məhz onlar qaçaraq qonşulara qətl barədə məlumat veriblər.
Hazırda hüquq-mühafizə orqanları tərəfindən şübhəlinin tutulması istiqamətində əməliyyat-axtarış tədbirləri davam etdirilir.
Cəlilabad rayonunda qətlə yetirilən qadının şəxsiyyəti məlum olub.
Oxu.Az "Report"a istinadən xəbər verir ki, 2011-ci il təvəllüdlü Anar Əzizov 1999-cu il təvəllüdlü Səidə Cəfərovanı kəsici alətlə öldürməkdə şübhəli bilinir.
Faktla bağlı araşdırmalar davam etdirilir.
Qeyd edək ki, S.Cəfərova A.Əzizovun dayısının həyat yoldaşı olub.
Cəlilabad rayonunda qətl hadisəsi baş verib.
Oxu.Az "Teleqraf"a istinadən xəbər verir ki, hadisə Cəlilabad şəhərinin Məhəmməd Hadi küçəsində qeydə alınıb.
Qeyd olunub ki, Anar adlı şəxs dayısının həyat yoldaşına müxtəlif dərəcəli bədən xəsarətləri yetirib. Nəticədə qadın aldığı ağır xəsarətlərdən hadisə yerində həyatını itirib.
Şübhəli hadisə yerindən qaçıb.
Məlumata görə, çobanlar onu örüş sahəsində gedərkən görüblər.
Hazırda hüquq-mühafizə orqanları tərəfindən hadisəni törətməkdə şübhəli bilinən şəxsin tutulması istiqamətində əməliyyat-axtarış tədbirləri davam etdirilir.
Faktla bağlı araşdırma aparılır.
