Ən son xəbərləri bizim "WhatsApp" kanalımızda izləyin

Göyçayda əməliyyat: Saxlanılanlar var
Göyçayda narkotiklərin qanunsuz dövriyyəsi ilə məşğul olan 8 nəfər saxlanılıb.
Oxu.Az xəbər verir ki, bu barədə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, Göyçay Rayon Polis Şöbəsinin əməkdaşlarının həyata keçirdikləri əməliyyat zamanı narkotik tərkibli bitkilərin kultivasiyası ilə məşğul olan, əvvəllər də məhkum olunmuş Fərid Babayev saxlanılıb.
DİN-in Mətbuat Xidmətinin Şəki regional qrupundan verilən məlumata görə, ona məxsus fermadan kultivasiya edərək yetişdirdiyi çətənə kolları, marixuana və tüfəng aşkar edilib.
Keçirilən digər əməliyyatlar zamanı narkotik vasitələrin dövriyyəsi ilə məşğul olan daha 7 nəfər saxlanılıb. Həmin şəxslərdən heroin, marixuana və metamfetamin aşkarlanıb.
Saxlanılan şəxslərdən biri olan Fərid Qəribovun rayon ərazisində avtomobil qaçırdığı da müəyyən olunub.
Aşkar olunan faktlarla bağlı araşdırmalar davam etdirilir.
"Narkotik vasitələrin qanunsuz dövriyyəsi" teqi üzrə xəbərlər
- Masallıda 13 kiloqram narkotik vasitə və psixotrop maddə aşkarlanıb
- Baş idarədən ƏMƏLİYYAT: Keçmiş məhkum 20 kiloqram narkotiklə ƏLƏ KEÇDİ
- Astaraya PUA ilə narkotik keçirən şəxs saxlanılıb
- Külli miqdarda narkotikin ölkəyə keçirilməsinin qarşısı alındı
- Bir ayda dövlət sərhədində dəyəri dörd milyon manata yaxın qaçaqmal tutulub