Ən son xəbərləri bizim "Facebook" səhifəmizdə izləyin

İlqar Hacıyev 17 milyonluq dələduzluqda ittiham olunur
"Akkord İnşaat Sənaye" ASC-nin keçmiş sahibi İlqar Hacıyev 17 milyon manatlıq dələduzluqda ittiham olunur.
Oxu.Az "Qafqazinfo"ya istinadən məlumat verir ki, İlqar Allaz oğlu Hacıyev barəsində Azərbaycan Respublikasının Baş Prokurorluğunun İstintaq İdarəsində cinayət işi başlanılıb.
İstintaqa İlqar Hacıyevin şəxsiyyəti məlum olan tanışının etibarından sui-istifadə edərək onu Rusiya Federasiyasının Moskva vilayətinin Mıtışinski rayonunun Piroqovka kəndində və Odintsovski rayonunun Novıye Javoronki kəndində yaşayış komplekslərinin tikinti layihələrini təqdim edərək həmin layihələrin icrası ilə bağlı 10.000.000 ABŞ dolları məbləğində investisiya qoyacağı təqdirdə 18.000.000 ABŞ dolları qazanc əldə edəcəyi vədi ilə aldatdığı məlum olub.
Bu yolla o, 2016-cı ilin fevral ayından 2017-ci ilin mart ayının 22-dək olan müddət ərzində Rusiya Federasiyasının Moskva şəhərində və Bakı şəhərinin Xəzər rayonu ərazisində yerləşən Heydər Əliyev Beynəlxalq Aeroportunun qarşısında ümumilikdə həmin dövrün rəsmi məzənnəsinə görə 17.000.000 manat təşkil edən 10.000.000 ABŞ dolları məbləğində pul vəsaitlərini alıb, zərərçəkmiş şəxsin külli miqdarda əmlakını dələduzluq yolu ilə ələ keçirməsinə əsaslı şübhələr müəyyən edilib.
İ.Hacıyev istintaqdan qaçıb Azərbaycan Respublikası hüdudlarından kənarda gizləndiyindən ona ittiham elan edilməsi mümkün olmadığı üçün 25.12.2020-ci il tarixli qərarla barəsində axtarış elan edilmiş və Bakı şəhəri Nərimanov Rayon Məhkəməsinin 13.01.2021-ci il tarixli qərarı ilə həbs qətimkan tədbiri seçilib.
İlqar Hacıyevi 15 iyul 2025-ci il tarixdə Baş Prokurorluğun İstintaq İdarəsinə dəvət edilib.
Ona xəbərdarlıq edilir ki, çağırışa gəlmədiyi halda Azərbaycan Respublikası Cinayət-Prosessual Məcəlləsi ilə müəyyən edilmiş qaydada barəsində qiyabi icraat açıla, barəsində qiyabi hökmün və ya məhkəmənin digər yekun qərarının çıxarıla biləcəyi ilə nəticələnə bilər.
"Dələduzluq cinayəti" teqi üzrə xəbərlər
- Ramazan ayı dələduzların gəlir mənbəyinə çevrilib - XƏBƏRDARLIQ
- Ağcabədidə dələduzluqda şübhəli bilinən şəxs həbs edilib
- Bakıda 10 min manatlıq "iPhone" dələduzluğu - HÖKM OXUNDU
- Sosial şəbəkədə dələduzluqla məşğul olan şəxs saxlanıldı
- Şəhid ailələri və qazilərə qarşı dələduzluq etməkdə təqsirləndirilən sabiq məmur həbs edildi