Kürdəmirdə ölümlə nəticələnən yol-nəqliyyat hadisəsi baş verib.
Oxu.Az APA-ya istinadən xəbər verir ki, Ağsu-Kürdəmir-İmişli yolunun 27-ci kilometrliyində, Kürdəmir rayonunun Qaraqocalı kəndindən keçən hissəsində Ağsu rayon sakini, 1981-ci il təvəllüdlü Vüsal Nadir oğlu Əhmədovun idarə etdiyi “VAZ-2107” markalı minik avtomobili ilə eyni istiqamətdə hərəkətdə olan Kürdəmir rayon sakini, 1993-cü il təvəllüdlü Əşrəf Müslüm oğlu İsmayılovun idarə etdiyi qoşqulu traktor toqquşub.
Nəticədə minik avtomobilində olan sərnişin Məhəmməd Nadir oğlu Əhmədov ağır xəsarətlərlə Kürdəmir Mərkəzi Rayon Xəstəxanasına aparılıb. Həkimlərin səyinə baxmayaraq, M.Əhmədov xəstəxanada ölüb.
Faktla bağlı Kürdəmir Rayon Polis Şöbəsində araşdırma aparılır.
A.M.
