Mingəçevirdə mənzillərdən oğurluq edən şəxslər tutulublar

Mingəçevir şəhərində mənzildən 4500 manat dəyərində məişət əşyaları və musiqi alətlərinin oğurlanması barədə polisə məlumat daxil olub.

Oxu.Az-ın məlumatına görə, polis əməkdaşlarının həyata keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 26 yaşlı Fərid Şərifli saxlanılıb.

Növbəti əməliyyat zamanı isə fərdi yaşayış evlərindən oğurluqlar edən, əvvəllər məhkum olunmuş 38 yaşlı Alim Mayılov da saxlanılıb.

Saxlanılan şəxsin evlərdən təmir tikinti ləvazimatları və məişət əşyaları oğurladığı müəyyən edilib.

Hər iki şəxs barəsində məhkəmənin qərarı ilə həbs qətimkan tədbiri seçilib.