Prokurorun yeddi il həbs istədiyi şəxs bəraət alaraq azadlığa buraxıldı

Cinayət Məcəlləsinin 234.2-ci (satış məqsədilə narkotik maddələr əldə etmə və saxlama) maddəsi ilə məsuliyyətə cəlb edilmiş Suraxanı rayon sakini Elşən Məmmədov bəraət alaraq azadlığa buraxılıb.

Oxu.Az-ın məlumatına görə, bu barədə qərar Bakı Ağır Cinayətlər Məhkəməsinin hakimi Elnur Nuriyevin sədrliyi ilə keçirilən yekun iclasda elan edilib.

Elşən Məmmədova elan edilmiş ittiham istintaq zamanı sübuta yetirilmədiyi üçün məhkəmə onun barəsində bəraət hökmü çıxarıb və o, iclas zalından azadlığa buraxılıb.

Qeyd edək ki, Elşən Məmmədov barəsində Suraxanı Rayon Məhkəməsinin qərarı ilə həbs qətimkan tədbiri seçilərək ittiham irəli sürülüb.

Xatırladaq ki, Bakı Ağır Cinayətlər Məhkəməsində prokuror onun yeddi il müddətinə azadlıqdan məhrum olunmasını təklif etmişdi.

Elgün Həsənli