Sabirabadda çoban sahibkar fermeri döyüb.
Oxu.Az-ın məlumatına görə, hadisə rayonun Moranlı kəndi ərazisində baş verib.
Hadisə qoyun otarmaq üstündə baş verib.
Belə ki, kənd sakini Əflan Ağayev kənd ərazisində özünə məxsus sahədə pambıq və yonca əkib. Ərazidə qoyun otaran Elxan Məmmədovun qoyunları isə həmin sahəyə daxil olub. Bunu görən Əflan hadisə yerinə gələrək Elxandan qoyunları onun sahəsindən çıxarmağı tələb edib. Nəticədə həmkəndlilər arasında mübahisə başlayıb və Elxan əlindəki çomaqla Əflana ağır zərbələr endirib.
Faktla bağlı cinayət işi başlanıb və iş məhkəməyə göndərilib.
Məhkəmə tərəflər arasında barışıq olduğunu nəzərə alaraq cinayət işinə xitam verib.
Aqil Vəlili
