Skuterlə aktrisanı vurub qaçan şəxs telefonla üzr istəyib

Aktrisanı vurub qaçan skuter sürücüsü hadisədən 10 gün sonra saxlanılıb. Bu barədə Daxili İşlər Nazirliyi (DİN) məlumat yayıb.

Oxu.Az Xəzər TV-yə istinadən xəbər verir ki, Gənc Tamaşaçılar Teatrının aktrisası İradə Rəşidova iyunun 6-da Səbail rayonu ərazisində, axşam saatlarında yolu keçmək istəyərkən onu skuter vurub.

Sürücü yaralı qadına kömək etmək əvəzinə, hadisə yerindən qaçıb. Həmin vaxt ətrafdakı insanların köməyi ilə xəstəxanaya yerləşdirilən aktrisa İradə Rəşidova artıq evə buraxılıb.

Aktrisa bildirib ki, onu skuterlə vuran şəxsin telefonla üzrxahlıq edib.

Faktla bağlı Səbail Rayon Polis İdarəsində araşdırma davam etdirilir.

Ətraflı süjetdə:

Skuterlə aktrisanı vurub qaçan şəxs telefonla üzr istəyib

12:24

İyunun 6-da gecə saatlarında Səbail rayonu ərazisində Gənc Tamaşaçılar Teatrının aktrisası İradə Rəşidovanı skuterlə vuran şəxs müəyyən edilib.

Bu barədə Daxili İşlər Nazirliyinin (DİN) Mətbuat Xidmətinin əməkdaşı E.İbrahimov Oxu.Az-a bildirib.

Vurğulanıb ki, Səbail Rayon Polis İdarəsinin əməkdaşları tərəfindən hadisəni törətməkdə şübhəli bilinən Ucar rayon sakini R.Abdullayev saxlanılıb.

Fakla bağlı araşdırma aparılır.