May ayının 19-dan 20-nə keçən gecə Bakı şəhəri Binəqədi rayonunda qətl hadisəsi törədilib. Qətlin qurbanı Şamaxı rayon sakini 1986-cı il təvəllüdlü Ələkbərov Elşən Qəribala oğlu olub.
Oxu.Az Vesti.Az-a istinadən xəbər verir ki, bu barədə Binəqədi rayon Polis İdarəsində bildiriblər.
Qətl Biləcəri qəsəbəsinin yeni yaşayış massivi Məlikaslanov küçəsində baş verib. Qatil 6-cı polis bölməsinə etiraf bəyanatı ilə özü gəlib. Bu, Ələkbərovun qohumu Ağsu rayon sakini 1984-cü il təvəllüdlü Həsənov Rüstəm Həmid oğlu olub.
Bildirilib ki, Həsənov Ələkbərova bir bıçaq zərbəsi endirib, sinəsinə vurulan bıçaq zərbəsindən Ələkbərov yerindəcə keçinib.
Saxlanılan şəxsin sözlərinə görə, Ələkbərov onu söyüb, o yalnız bundan sonra bıçağa əl atıb. Məlumdur ki, Həsənov Ələkbərovun qaynıdır.
Baş vermiş hadisə ilə bağlı istintaq davam edir.
