Sumqayıtda şəhər sakinləri gənc müğənnini döydülər – VİDEO

Sumqayıt şəhərində parkların birində müğənni ilə sakinlər arasında dava düşüb.

Oxu.Az xəbər verir ki, ANS TV-nin məlumatına görə, gecə saatlarında Sumqayıt şəhərində döyülərək təhqir edilmə faktı qeydə alınıb.

Hadisə şəhərin Nəsimi əyləncə parkında baş verib. Belə ki, gənc müğənni Həmid Sultan öz prodüseri Sitarə xanımla parkda attraksionlara əylənmək məqsədilə gəlib. Onların sözlərinə görə, attraksiondan istifadə etməzdən öncə parkda xidmət edən şəxslər tərəfindən təhqir olunublar. Bundan sonra mübahisə davaya çevrilib.

Müğənninin dediyinə görə, parkın əməkdaşları sərxoş vəziyyətdə olub və onlara təhqiredici sözlər işlədərək, əl qaldırıb. Hadisə yerinə dərhal Sumqayıt Şəhər Polis İdarəsinin 4-cü polis bölməsinin əməkdaşları gəlib. Kiçik xəsarət alan Sitarə xanıma təcili tibbi yardım göstərilib. Müğənni hətta polis bölməsinə də müraciət edib. Artıq baş vermiş hadisə ilə bağlı Sumqayıt Şəhər 4-cü polis bölməsi həmin şəxslərin axtarışına başlayıb.

Elə biz də üz tutduq sözügedən parka. Ancaq çəkiliş apardığımız vaxt parkda xidmət göstərənlərin əksəriyyəti belə bir hadisənin parkda çalışan əməkdaşlarla deyil, burda dincələn sakinlərlə baş verdiyini təsdiqlədi.

Baş vermiş hadisə ilə bağlı Sumqayıt Şəhər Polis İdarəsinin İstintaq şöbəsində araşdırmalara başlanılıb. Hadisənin dəqiq kim və ya kimlər tərəfindən törədildiyi aparılacaq araşdırmalardan sonra məlum olacaq.

Qeyd edək ki, müğənni Həmid Sultan qalmaqallı bəyanatları ilə daha çox yadda qalır.

Belə ki, bundan əvvəl o, məşhur milyonçu Telman İsmayılovu istədiyini, “Dönəcəksən” adlı mahnısına klip çəkmək üçün hətta kişi ilə də yatağa girməyə hazır olduğunu bildirmişdi.

Sumqayıtda şəhər sakinləri gənc müğənnini döydülər – VİDEO

www.oxu.az