Sumqayıtda tanışını bıçaqlamaqda şübhəli bilinən şəxs saxlanıldı

"Sumqayıt şəhəri 42-ci məhəllə ərazisində 15 yaşlı yeniyetmənin ayaq nahiyəsinə kəsici alətlə yüngül xəsarət yetirən şəxs saxlanılıb".

Daxili İşlər Nazirliyinin Mətbuat Xidmətinin əməkdaşı polis leytenantı Elbrus İbrahimov Oxu.Az-a açıqlamasında bildirib ki, polis əməkdaşlarının keçirdikləri tədbirlərlə əməli törətməkdə şübhəli bilinən onun həmyaşıdı müəyyən olunub.

"Hazırda ərazi üzrə polis orqanında təhqiqat araşdırması aparılır".

Tibbi Ərazi Bölmələrini İdarəetmə Birliyindən (TƏBİB) isə Oxu.Az-ın sorğusuna cavab olaraq bildirilib ki, Sumqayıt şəhəri 42-ci məhəllə ərazisində ayaq nahiyəsinə kəsici alətlə yüngül xəsarət yetirilən 15 yaşlı yeniyetmə ambulator müalicə üçün evə buraxılıb.

Əzizə İsmayılova

08:26

Sumqayıtda 15 yaşlı yeniyetmə tanışı tərəfindən bıçaqlanıb.

Oxu.Az "Report"a istinadən xəbər verir ki, hadisə şəhərin 42-ci məhəllə ərazisində qeydə alınıb.

Belə ki, 2009-cu il təvəllüdlü Rəvan Kamil oğlu Qiyaslı aralarında baş vermiş münaqişə zəminində Kənan adlı tanışı tərəfindən bıçaqlanıb.

Yaralı dərhal xəstəxanaya çatdırılıb.

Faktla bağlı araşdırma aparılır.