Özündən iki yaş kiçik oğlanı bıçaqlayan 16 yaşlı gənc polis tərəfindən saxlanılıb
Ötən gün günorta saatlarında Bakının Yasamal rayonu Şərifzadə küçəsi 1 ünvanında yeniyetmə gənc bıçaqlanıb.
Oxu.Az ANS PRESS-ə istinadən xəbər verir ki, Yasamal Rayon Polis İdarəsi 28-ci polis bölməsindən verilən məlumata görə, 16 yaşlı Fərid Şakir oğlu Səmədov özündən 2 yaş kiçik olan İlkin Zəfər oğlu Qasımovu bıçaqlayıb.
Ağır yaralanan İlkin Səfərov xəstəxanaya yerləşdirilib. Hadisəni törədən yeniyetmə isə polis tərəfindən tutulub.
İlkin araşdırmalar zamanı hadisənin qız üstündə baş verdiyi məlum olub. Lakin cinayətin dəqiq səbəbləri istintaqdan sonra məlum olacaq.
Faktla bağlı araşdırma aparılır.
