Artıq rəqib deyillər? - Pol və Taysonun yeni görüntüləri gündəm oldu

Cəmi bir neçə ay əvvəl məşhur bloqer Ceyk Pol və əfsanəvi boksçu Mayk Tayson rinqdə barışmaz rəqiblər idilər, amma artıq onlar birlikdə əylənməyə hazırdırlar. Belə ki, sosial şəbəkələrdə 58 yaşlı Mayk Taysonun ətrafındakıların alqışları altında 27 yaşlı keçmiş rəqibinin çiyinlərinə çıxması ilə bağlı video yayılıb. Kadrlar ABŞ Prezidenti Donald Trampın inaqurasiya mərasimindən sonra keçirilən əyləncə tədbirində çəkilib.

Oxu.Az-ın verdiyi məlumata görə, videonu ilk olaraq Ceyk Pol özünün "Instagram" hesabında paylaşıb.

Görüntülərdə yeni başlayan boksçu Polun əfsanəvi Taysonu asanlıqla boynuna mindirməsi və onun sevinclə qışqırması əks olunub.

Ceyk paylaşımına "ən yaxşı dostlar" yazaraq Maykın adını işarələyib.

Qeyd edək ki, Tayson və Polun epik döyüşü noyabrın 15-də Texas ştatının Arlinqton şəhərindəki "AT&T" stadionuna baş tutub. 18 milyon dollardan çox gəlir gətirən tədbir "Netflix"də eksklüziv olaraq yayımlanıb. Təxminlərə görə, döyüşə 65 milyon evdən baxılıb ki, bu da onu ABŞ tarixində ən çox izlənilən idman hadisəsi edib. Pol səkkiz ikidəqiqəlik raunddan sonra Tayson üzərində qələbə qazanıb.