Bu il kişilər nə geyinəcək? – FOTO

2017-ci ilin bitməsindən artıq bir ay ötür. 2018-ci il daha ümidli və yeniliklərlə dolu bir il ola bilər. Yenilik demişkən, buna tərzinizdən başlaya bilərsiniz.

Qarderobunuzda dəyişiklik olsun deyə, Oxu.Az bəzi geyimlərlə bağlı ip uclarını təqdim edir:

Üzüklər

Aksessuar istifadə etmək istəyirsiniz və çəkinirsinizsə, buna kiçik addımlarla başlaya bilərsiniz. Bəlkə də, yaz aylarında qolbağlarla tərzinizi parladıb, qışda da eynisi ilə davam edə bilərsiniz. Özəlliklə də, kiçik üzüklərdən istifadə etmək məqsədəuyğundur. Gümüşü, boz, qara və tünd rənglərə, daha maskulen dizaynlı aksessuarlara üstünlük vermək daha yaxşı olar.

İdman geyimləri 

Bir neçə mövsümdür idman geyiminin hər model paltarlara nüfuz etməsi bu il də öz balansını qoruyur. Fərqli materiallardan hazırlanan bu geyimlər cibləri, kapişonları ilə klassik geyimlərinizə rəng qatacaq.

İdman ayaqqabıları

90-cı illərin küləyi bu il idman ayaqqabılarında özünü göstərəcək. Xəfif qaba, ütü formasında olan, aşağıya doğru dabanı genişlənən idman ayaqqabı modellərini bir çox kişinin ayağında görə biləcəyik.

Qalın xətli geyimlər

İtaliya brendləri ənənəvi tərzlərini qorumağa davam edərkən yeni parça texnologiyalarını da mənimsəyirlər. Bu il bir çox markanın qalın xətli parçaları diqqət çəkəcək.

Cins şalvarlar

Slim fit kəsimlər, panelli, fərqli cins materialları və simmetrik olmayan parçalarla birləşdirilən şalvar modelləri bu il dəbdə olacaq.

Dəri çantalar

Nyu-York gəncliyindən ilhamlanaraq dizayn edilən “Supreme” çantalar küçə mədəniyyətinin ən üst səviyyəli örnəyidir. Klassikləşən qırmızı dəri bel çantaları bu il “Supreme” loqosu ilə birləşərək küçələri bəzəyəcək

Şörlinq gödəkçələr

Qışın ən soyuq günlərində dəbli görünmək üçün hər kişinin qarderobunda mütləq qoyun yunundan olan bir şörlinq gödəkçə (ilk dəfə qırxılan qoyununun yunu) olmalıdır. Yeni nəsil şörlinq gödəkçələr fərqli rəngləri və çöl hissəsində olab cibləri ilə fərqlənir. 1940-cı illəri xatırladan bu gödəkçələr 2018 dəbinin vazkeçilməzlərindəndir.

Pərviz Hüseyn
www.oxu.az