"Çay istehlakının təhlükəsiz həddi gündə 3-5 stəkan arasındadır".
Oxu.Az xəbər verir ki, bu barədə rusiyalı nutrisioloq Anastasiya Efimova Gazeta.ru-ya müsahibəsində deyib.
Qeyd olunub ki, həm qara, həm də yaşıl çayın müntəzəm istehlakı insult və ürək-damar ölümü riskini azaldır.
"Məsələn, gündə iki-üç stəkan yaşıl çay içmək insult riskini təxminən 10-15% azaldır və daha müntəzəm istehlakla azalma 20%-ə yüksələ bilər. Bu məlumatlar Yaponiya və digər ölkələrdəki əhali arasında aparılan müşahidələrlə təsbit olunub", - deyə həkim bildirib.
Mütəxəssisin sözlərinə görə, içkinin həddindən artıq istehlakı da müxtəlif mənfi nəticələrə səbəb ola bilər. Yuxu pozuntusuna meyilli olanlar üçün günortadan sonra çay içmək tövsiyə edilmir. Bildirilib ki, çayın çox içilməsi narahatlıq, taxikardiya və yuxu pozuntularına şərait yarada bilər.
