Çinin lüks avtomobillərində ciddi problemlər aşkarlandı

Çinin dəbdəbəli "LiXiang" markasının "L7" və "L9" modellərində aşkarlanan problemlərlə bağlı Rusiyada onlara tələbat 50% azalıb.

Oxu.Az xəbər verir ki, bu barədə "Mash" "Telegram" kanalı məlumat yayıb.

Qeyd olunub ki, hər iki avtomobil modelində pnevmatik asqı, kondisioner və radiator barmaqlığı ilə bağlı ciddi problemlər aşkar edilib, buna görə də, avtomobilin qışda sürəti 40 km/saatla məhdudlaşır.

Məlumata görə, cari ilin ilk ayında salonda bu avtomobillərdən cəmi 955 ədəd satılıb. Bu, 2024-cü ilin dekabr ayı ilə müqayisədə təxminən iki dəfə azdır (2 105 ədəd). Statistikaya görə, 2025-ci ilin yanvar ayı Rusiya bazarında çin avtomobillərinin satışı tarixində ən pis ay olub.

Ehtimal olunur ki, buna səbəb avtomobillərin tez-tez xarab olması və təmirinin uzun müddət, ciddi məbləğ tələb etməsidır.