Səudiyyə Ərəbistanında 2018-ci ildən etibarən qadınların motosiklet və yük maşını idarə etməsinə icazə veriləcək.
Oxu.Az APA-ya istinadən xəbər verir ki, bu barədə Səudiyyə Ərəbistanı Nəqliyyat İdarəsinin dərc etdiyi yeni qaydalarda bildirilir.
Qeyd edək ki, sentyabrda kral tərəfindən imzalanan fərmana əsasən, qadınların 2018-ci ilin iyunundan avtomobillərin idarə etməsinə icazə veriləcək.
Nəqliyyat İdarəsi qadınların həmçinin motosiklet və yük maşını da idarə etməsinə icazə veriləcəyini və yol hərəkəti qaydalarının qadın və kişilər üçün bərabər şamil olunacağını bildirib.
L.Ə.
