Twitter, Facebook və Instagram-da məşhurlar arasında “Ice Bucket Challenge” kimi yeni aksiya başlanıb.
Oxu.Az Milli.Az-a istinadən xəbər verir ki, “#WakeUpCall” heşteqi ilə yayılan bu aksiya səhər yuxudan ayılan kimi fotonun çəkilərək sosial şəbəkələrdəki profilə yerləşdirilməsidir.
Yuxudan duran kimi, yataqda selfilərini çəkərək sosial şəbəkələrdəki profillərində paylaşan məşhurlar bu minvalla UNİCEF-ə maliyyə vəsaiti toplamağa yardım edirlər.
Tam adı “#WAKEUPCALL #UNICEF Text SYRIA to 70007” olan heşteq Suriyadakı uşaqlara və bu ölkədən qaçqın düşən ailələrdəki balacalara UNİCEF-in yardım kampaniyası üçün 5 funt-sterlinq göndərilməsini nəzərdə tutur.
Yardım kampaniyasının rəsmi saytı da var.
Bu aksiyanın Azərbaycana da çatacağı, yerli “qlamur fiqur”ların da yuxudan duran kimi fotolar çəkdirərək paylaşacaqları şübhə doğurmur.
