Liviyanın şimal-şərq bölgələrinə yağan yağış və əmələ gələn daşqınlar nəticəsində ölənlərin sayı səkkiz mini keçib.
Bu barədə ölkənin Nümayəndələr Palatasının (parlament) müşaviri məlumat verib.
Müşavir əlavə edib ki, onun məlumatlarına görə, “hazırda itkin düşənlərin sayı 10 mindən çoxdur”.
Mənbə: TASS
13 sentyabr, 17:43
Liviyanın şimal-şərqində yerləşən Derna şəhərində yağış və daşqın qurbanlarının sayı yeddi minə çatıb.
Bu barədə Liviya Nümayəndələr Palatasının (Parlament) rəsmi nümayəndəsi Abdallah Belhak məlumat verib.
“Minlərlə meyit hələ də şəhərin küçələrində, həmçinin dənizdə qalıb. Bizim onları dəfn etməyə hələ imkanımız yoxdur”, - deyə parlamentari vurğulayıb.
Mənbə: TASS
16:44
Liviyada leysanların səbəb olduğu sel qurbanlarının hesablanması davam edir. Son məlumatlara görə, həlak olanların sayı 5,3 mini keçib.
Bu barədə ölkənin mülki aviasiya naziri Hişem Şkivat deyib.
Onun sözlərinə görə, çoxlu sayda bina dağılıb, şəhərin 25 faizi yoxa çıxıb.
“Liman şəhəri Dernada iki bənd dağıldıqdan sonra bir çox yaşayış məntəqələri su altında qalıb. Meyitlərin əksəriyyəti dənizə sürüklənib. Təsdiqlənmiş ölənlərin sayı 5300-ü ötüb. Qəbiristanlıqlarda yüzlərlə cəsəd qalaqlanıb, onların çox az hissəsi tanınıb”, - deyə o bildirib.
Nazir, həmçinin hələ də dənizdə, dərələrdə, binaların altında meyitlər tapıldığını vurğulayıb.
Yerli medianın verdiyi məlumata görə, mütəxəssislər daha əvvəl Dernadakı bəndlərin partlaya biləcəyi barədə xəbərdarlıq ediblərmiş. Ancaq leysana görə bu baş verəndə Derna sakinlərinə heç kim xəbər verməyib.
:1200.jpg)
:450.jpg)
Mənbə: RT
