Milyonda bir: Qaradərili qadın ağ uşaq dünyaya gətirib – FOTO

32 yaşlı Nigeriya əsilli Ketrin Hovardın dünyaya ağ uşaq gətirmə ehtimalı milyonda birə bərabər idi.

Oxu.Az The Daily Mail-ə istinadən xəbər verir ki, qadın ilk dəfə yeni doğulan körpəsi İonu görəndə qayğılanıb.

Üç aylıq ağ dərili, yaşıl gözlü, şabalıdı saçlı körpə İonanın qaradərili qadın tərəfindən dünyaya gətirilməsini nəzərə almasaq, digər yaşıdlarından heç nə ilə fərqlənmir.   

Ketrin deyir ki, doğuşu qəbul edən akuşer də heyrətlənib. “O, əvvəlcə mənə baxdı, sonra İonaya, sonra yenə də mənə baxdı. Nə olduğunu anlaya bilmirdi”, - deyə qadın bildirib.

Bəzi uşaqların doğulduqdan bir neçə həftə sonra dəriləri tündləşir, amma İona doğulduqda necə ağdərili idisə elə də qalıb.

“Mənim valideynlərim əslən Nigeriyadandırlar”, - Ketrin deyib, “Mənə dedilər ki, nəsildə resessiv gen olmalıdır, amma mənim əcdadlarımın hamısı qaradərili olub”.

Uşağın atası Riçard da öz övladını gördükdə həyat yoldaşından az heyrətlənməyib.

Həkimlərin qeyd etdiyi kimi bu hadisə nadir haldır.

www.oxu.az