Bakı sakinlərinin və şəhərin qonaqlarının asudə vaxtlarını səmərəli keçirmələri üçün 22-28 iyun tarixləri aralığında paytaxtda bir çox tamaşalar, konsertlər baş tutacaq.
Oxu.Az bu həftənin mədəniyyət tədbirlərinin afişasını təqdim edir:
Azərbaycan Dövlət Akademik Milli Dram Teatrında:
İyunun 27-də saat 19:00-da Cəfər Cabbarlının "Aydın" tamaşası olacaq.
Quruluşçu rejissoru Xalq artisti Firudin Məhərrəmovdur.
Biletlərin qiyməti 10-25 manatdır.
İyunun 28-də saat 19:00-da "Qətibə İnanc" tamaşası nümayiş olunacaq.
Tamaşanın quruluşçu rejissoru Xalq artisti Mərahim Fərzəlibəyovdur.
Biletlərin qiyməti: 8-15 manat.
Azərbaycan Dövlət Milli Gənc Tamaşaçılar Teatrı:
İyunun 27-də saat 19:00-da Mirzə Fətəli Axundzadə "Hacı Qara" tamaşası oynanılacaq.
Quruluşçu rejissor Xalq artisti Cənnət Səlimovadır.
Biletlərin qiyməti: 10-15 manat.
İyunun 28-də saat 19:00-da İlqar Fəhminin "Balaca kişilər" tamaşası təqdim ediləcək.
Quruluşçu rejissor Əməkdar artist Nicat Kazımovdur.
Biletlərin qiyməti: 10-15 manat.
Azərbaycan Dövlət Akademik Musiqili Teatrı:
İyunun 25-də saat 19:00-da böyük fransız yazıçısı Viktor Hüqonun "Paris Notr-Dam kilsəsi" romanının motivləri əsasında hazırlanan "Paris Notr-Dama ithaf" tamaşası olacaq.
Tamaşanın quruluşçu rejissoru və librettonun müəllifi Samir Qulamovdur.
Biletlərin qiyməti 10-20 manatdır.
İyunun 27-də saat 19:00-da yazıçı-dramaturq Sabit Rəhmanın "Əliqulu evlənir" pyesi əsasında Xalq artisti İlham Namiq Kamalın librettosu və quruluşunda hazırlanan "Əliqulu bu gün evlənir" komediyasının premyerası nəzərdə tutulub.
Tamaşanın quruluşçu dirijoru Əməkdar incəsənət xadimi Fəxrəddin Atayevdir.
Biletlərin qiyməti 8-15 manatdır.
İyunun 28-də saat 19:00-da dünyaşöhrətli musiqiçi Elvis Preslinin ölməz əsərləri əsasında "Sən kralsan" tamaşası oynanılacaq.
Müzikl janrında olan tamaşanın libretto müəllifi və quruluşçu rejissoru Ələkbər Tağızadədir.
Biletlərin qiyməti: 10-25 manat.
Heydər Əliyev Sarayı:
İyunun 28-də saat 20:00-da "Voice of History" - Gürcüstanın qızıl səsi, musiqiçi və müğənni Dato Kençiaşvilinin solo konserti planlaşdırılıb.
Biletlərin qiyməti 30-150 manatdır.
