Əfqanlı Ofeliya Rza qızı 1939-cu ilin bu günü dünyaya gəlib.
Oxu.Az xəbər verir ki, Ofeliya Aslan 1983-cü ildə Azərbaycan Dövlət Mədəniyyət və İncəsənt Universitetinin Musiqili Komediya aktyoru fakültəsini bitirib. 1963-cü ildən Musiqili Komediya Teatrında əvvəl xor artisti, sonra isə aktrisa işləyib. Uzun müddət fasilədən sonra 1997-ci ildən yenidən teatra qayıdıb və aktrisa kimi fəaliyyətini davam etdirib.
İlk rolu ”Durna” komediyasında Lalə obrazı olub. Bundan sonra aktrisa “Beşmanatlıq gəlin”də Gülnaz, “Arşın mal alan”da Telli, “Hicran”da Çarleston, “Axırı yaxşı olar”da Dilbər, “Bankir adaxlı”da Səmayə və s. rolları bacarıqla ifa edərək, tamaşaçıların rəğbətini qazanıb. Keçmiş SSRİ-nin müxtəlif şəhərlərində qastrol səfərlərində olub. Moskvanın Operetta teatrında tamaşaya qoyulmuş R.Hacıyevin “Mama, ya jenyus” əsərində Bibixanım rolunu oynayıb.
47 illik səhnə fəaliyyətinə baxmayaraq aktrisaya heç bir fəxri ad verilməyib.
O, 2010-cu il mayın 18-i ürək çatışmazlığından Bakıda vəfat edib.
Xatırladaq ki, Ofeliya xanım aktyor Rza Əfqanlının qızı və aktyor Səyavuş Aslanın keçmiş həyat yoldaşıdır.
Aytən Sadıqzadə
www.oxu.az
