Azərbaycan ordusu Rusiya və İsrail silahına üstünlük verir - HESABAT

Azərbaycan 2009-2013-cü illərlə müqayisədə, 2014-2018-ci illərdə silah idxalını 15 faiz artırıb. 

Bununla bağlı məlumat Stokholm Beynəlxalq Sülh Problemlərinin Tədqiqi İnstitutunun (SIPRI) illik hesabatında verilib. 

Bildirilib ki, Azərbaycan ən çox silah idxal edən ölkələrin sıralamasında 23-cü pillədə qərarlaşıb. 

Azərbaycana silah idxalının 51 faizi Rusiyanın, 43 faizi İsrailin və 2,8 faizi Türkiyənin payına düşür. 

Bundan başqa, Azərbaycan İsrailin ən çox silah satdığı ölkələr sırasında 17 faizlə ikincidir. Birinci yeri isə 46 faizlə Hindistan tutur. 

Hesabatda qeyd edilib ki, 2016-cı ildə İsrail Azərbaycana “Barak-8” sistemləri satıb. 

Qeyd edək ki, hesabata əsasən, 2014-2018-ci illər ərzində dünyanın aparıcı silah ixracatçıları əvvəlki illərdə olduğu kimi, Rusiya və ABŞ-dır.

Ümumilikdə, hesabatda Ermənistanın adı yer almayıb.

Azərbaycan ordusu Rusiya və İsrail silahına üstünlük verir - HESABAT

Samir İsayev