Ermənistan ordusu yenə itki verib.
Oxu.Az xəbər verir ki, bu barədə Ermənistan Müdafiə Nazirliyinin mətbuat xidmətinin rəhbəri Artsrun Ovannisyan açıqlama verib.
Onun sözlərinə görə, Azərbaycan-Ermənistan qoşunlarının təmas xəttində Tavuş vilayətində müddətdən artıq xidmət edən hərbçi ölüb.
Ovannisyan bildirib ki, bu gecə cəbhədə atışma zamanı 1980-ci il təvəllüdlü müddətdən artıq xidmət edən Arman Raşidoviç Udumyan ölüb. O, çavuş olub.
Qeyd edək ki, bundan əvvəl Azərbaycan Müdafiə Nazirliyi təkcə yanvarın 3-dən 20-dək cəbhədə 8 erməni hərbi qulluqçusunun məhv edildiyini, 4-nün isə yaralandığı haqqda məlumat yaymışdır.
