Ermənistan üç gün ərzində cəsədlərin dəyişdirilməsi prosesində 21 hərbçisinin cəsədini alıb.
Oxu.Az RİA Novosti-yə istinadən xəbər verir ki, bu barədə Qarabağ separatçılarının nümayəndəsi David Babayan bildirib.
“Bu gün (10 aprel) bizim tərəfə 19 cəsəd, daha əvvəl isə 2 cəsəd verilib. Yəni, faktiki olaraq Azərbaycan tərəfindən 21 cəsəd almışıq. Daha 13 cəsəd isə biz onlara vermişik”, - o deyib.
17:05 (10.04.2016)
Bu gün Aidiyyəti beynəlxalq təşkilatların vasitəçiliyi ilə əldə edilmiş qarşılıqlı razılaşmaya uyğun olaraq, Ermənistan-Azərbaycan qoşunlarının təmas xəttində baş vermiş son hərbi əməliyyatlar zamanı hər iki tərəfin nəzarətində qalmış hərbçilərin meyitləri qoşunların təmas xəttində qaytarılıb.
Oxu.Az-ın məlumatına görə, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.
Məlumatda bildirilir ki, proses Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Müdafiə Nazirliyi tərəfindən, Beynəlxalq Qızıl Xaç Komitəsinin və ATƏT-in vasitəçiliyi ilə həyata keçirilib. Proses zamanı qarşı tərəf atəşkəs rejimini pozub.
Müvafiq prosedurlar başa çatdıqdan sonra ictimaiyyətə əlavə məlumat veriləcək.
