Oxu.Az hüquq-mühafizə orqanlarına müraciət etdi: Saytın adından saxta xəbərlər paylaşılır - FOTO

Sosial şəbəkələrdə Oxu.Az xəbər saytının loqosunu icazəsiz və qanunsuz şəkildə istifadə etməklə saxta xəbərlər yayımlanır.

Belə ki, artıq neçənci dəfədir, Oxu.Az saytının adından istifadə edərək, qanunsuz formada fotolar hazırlanır, feyk xəbərlər tirajlanır və müxtəlif sosial şəbəkələrdə yerləşdirilir.

Bildiririk ki, bu cür saxta xəbərlərin heç biri Oxu.Az saytının redaksiyasında hazırlanmayıb və həqiqəti əks etdirmir.

Məsələ ilə əlaqədar hüquq-mühafizə orqanlarına tədbir görülməsi üçün müraciət olunub.