23 
Okt
2023
16:46
229
7
1706
Virtual karabakh

Bakı Media Mərkəzi Hacı Zeynalabdin Tağıyev haqqında film çəkir - FOTO

23 Okt, 2023
16:46
1706

Bakı Media Mərkəzi Hacı Zeynalabdin Tağıyev haqqında film çəkir - FOTO

Bizim WhatsApp kanalımıza buradan abunə ola bilərsiniz

Uzun illərdir media sektorunda böyük və yaddaqalan layihələrə imza atan Bakı Media Mərkəzi hazırda ölkəmiz üçün əhəmiyyətli bir filmin istehsalı üzərində çalışır. Bu, böyük xeyriyyəçi Hacı Zeynalabdin Tağıyevin həyatından bəhs edən “Himayədar” filmidir. Filmdə, həmçinin, XIX əsrin sonu XX əsrin əvvəlində Bakı və bölgədə baş verən mühüm tarixi hadisələr öz əksini tapır.

Oxu.Az xəbər verir ki, tariximizin tanıdılmasında böyük əhəmiyyət kəsb edən bu ekran işinin çəkilişləri may ayında başlayıb və 120 çəkiliş gününün artıq 90-ı yekunlaşıb. Film ümumilikdə səkkiz seriyadan ibarət olacaq. Sözügedən layihənin kütləvi səhnələri üçün 1 600 nəfər cəlb edilib, bundan başqa, 70-dən çox məkanda çəkiliş aparılıb və 300-dən çox “abidə” tikilib.

Milli dəyərlərimizin təbliğinə töhfə verəcək bu böyük layihənin rəhbəri və prodüseri Bakı Media Mərkəzinin prezidenti Arzu Əliyevadır.

Çoxseriyalı filmin gələn il izləyicilərin ixtiyarına verilməsi nəzərdə tutulur. Belə ki, 2024-cü il böyük xeyriyyəçinin vəfatının 100 illiyidir. Ekran işinin tamaşaçılar və kinosevərlər tərəfindən böyük maraqla qarşılanacağı gözlənilir.

Qeyd edək ki, Bakı Media Mərkəzi Azərbaycanın audiovizual məhsulların istehsalı ilə məşğul olan aparıcı və innovativ media şirkətidir. Mərkəzin işləri sırasında “Hədəf Bakıdır. Hitler neft uğrunda döyüşü necə uduzdu”, “Əbədi ezamiyyət”, “Miras”, “Multikulturalizm İli”nə həsr olunmuş “Bir Günəş altında”, “BİZ”, “Şuşa, sən azadsan!” və digər filmlər yer alır.

Bizimlə əlaqə saxlayın

Digər Siyasət xəbərləri