27 
Noy
2023
11:16
44
6
1083
Virtual karabakh

Azərbaycanda ilk dəfə olaraq “Mədəni irs” forumu keçiriləcək

27 Noy, 2023
11:16
1083

Azərbaycanda ilk dəfə olaraq “Mədəni irs” forumu keçiriləcək

Bizim WhatsApp kanalımıza buradan abunə ola bilərsiniz

Dekabrın 18-20-də Heydər Əliyev Fondu və Mədəniyyət Nazirliyinin təşkilatçılığı ilə ölkədə ilk dəfə “Mədəni irs” forumu keçiriləcək.

Bu barədə Mədəniyyət Nazirliyindən məlumat verilib.

Forum ümummilli lider Heydər Əliyevin 100 illik yubileyinə həsr olunan tədbirlər çərçivəsində baş tutacaq.

Tanınmış tarixçi, arxeoloq, rəssam, memar, heykəltaraş, sənətkar və sahə üzrə digər mütəxəssislərin iştirakı ilə geniş müzakirələrin aparılacağı forumda mədəniyyətimizin və milli irsimizin yaşadılması, inkişafı və təbliği, mövcud vəziyyət, maddi və qeyri-maddi irsimizə, təsviri və tətbiqi sənətə, tarixi abidələrə dövlət dəstəyi və digər istiqamətlərdə diskussiyalar olacaq.

Forumda “Azərbaycanın daşınmaz tarixi - mədəni irsinin tədqiqi və mühafizəsi problemləri”, “Postkonflikt dövründə Azərbaycanın tarixi - mədəni və təbii irsinin qorunması məsələləri”, “Azərbaycanda daşınar mədəni irs: muzey işi və müasir çağırışlar”, “Qeyri-maddi mədəni irsin mühafizəsi və müasir çağırışlar”, “Təsviri sənət və müasir çağırışlar” “Mədəni irs və müasir memarlıq - Şəhərsalma prinsipləri” mövzuları üzrə panellər təşkil olunacaq. Panellerdə müvafiq sahələrin mövcud vəziyyəti və gələcək perspektivlər barədə fikir mübadiləsi aparılacaq.

Forumda iştirak etmək istəyən şəxslər dekabrın 10-dək onlayn müraciət forması (https://culture.az/medeniirsforumu) ilə qeydiyyatdan keçə bilərlər.

Bizimlə əlaqə saxlayın

Digər Siyasət xəbərləri