Dek
2023
15:46
13
132
1632
Virtual karabakh

“Qaçqınkom”un bir milyon manata yaxın kommunal borcu yaranıb? - RƏSMİ AÇIQLAMA + YENİLƏNİB

1 Dek, 2023
15:46
1632

“Qaçqınkom”un bir milyon manata yaxın kommunal borcu yaranıb? - RƏSMİ AÇIQLAMA + YENİLƏNİB

Bizim WhatsApp kanalımıza buradan abunə ola bilərsiniz

Qaçqınların və Məcburi Köçkünlərin işləri üzrə Dövlət Komitəsinin heç bir quruma kommunal xidmətlərə görə borcu yoxdur.

Bu barədə Dövlət Komitəsindən bildirilib.

Qeyd olunub ki, məcburi köçkünlər kommunal xidmətlərə görə ödənişləri həmin xidmətləri göstərən qurumlara abunə müqaviləsi və müvafiq sayğac göstəriciləri əsasında ödəyirlər:

“Kommunal və digər xidmətlər üzrə ödənişlərin əvəzi olaraq məcburi köçkünlərə dövlət büdcəsindən vahid aylıq müavinət verilir. Vahid aylıq müavinətdən təyinatı üzrə istifadə edilməsi ilə bağlı Dövlət Komitəsinin aidiyyəti şöbəsi, yerli nümayəndəliklər və Mənzil-Kommunal İstismar Sahələri tərəfindən məcburi köçkünlər arasında müntəzəm məlumatlandırma və təşviqat tədbirləri həyata keçirilir”.

Məlumat üçün bildirək ki, bəzi mətbuat orqanlarında “Qaçqınkom”un digər quruma bir milyon manatdan artıq borcu olması haqqında məlumat yayılıb.

12:52

“Qaçqınların və Məcburi Köçkünlərin İşləri Üzrə Dövlət Komitəsinin balansında olan yaşayış binasına görə SOCAR-ın “Azəriqaz” İstehsalat Birliyinə 965 min manat həcmində debitor borcu yaranıb”.

APA xəbər verir ki, bunu SOCAR-ın “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev “Açıq qapı” aksiyası çərçivəsində media və QHT nümayəndələri ilə keçirilən görüşdə deyib. Onun sözlərinə görə, debitor borcu binanın istiliklə təmin olunması üçün verilən qaza görə yaranıb. Məcburi köçkünlərin yaşadığı həmin bina Bakının Suraxanı rayonunda yerləşir.

“Azəristiliktəchizat” ASC elan etdi ki, həmin bina bizim balansımızda deyil. “Qaçqınkom”un balansında olduğuna görə, biz də onun qazanxanasına qaz verirdik və nəticədə, 965 min manat debitor borcu yarandı. Ümidvarıq ki, “Azərictiliktəchizat” ASC necə ki, öz debitor borcuna həssas yanaşır, digər dövlət qurumu da həmin debitor borcunun ödənişi ilə bağlı konkret hərəkətə keçəcək ”, - deyə Eldəniz Vəliyev əlavə edib.

Bizimlə əlaqə saxlayın

Digər Siyasət xəbərləri