Sabah Azərbaycanın bəzi ərazilərində qaz olmayacaq

Sabah Azərbaycanın bəzi ərazilərində qaz olmayacaq.

"Report"un məlumatına görə, Astara XS ərazisində 2024-2025-ci illərin payız-qış mövsümünə hazırlıqla əlaqədar tədbirlər planına əsasən Astara rayonu "Ərcivan"QPS-dən qıdalanan Ərçivan qəsəbəsində ŞQTM-800 markalı tənzimləyicinin və diametri 100 mm-lik siyirtmənin quraşdırılması məqsədilə 420 abonentin qaz təchizatının sabah saat 10:00-dan işlər yekunlaşana qədər dayandırılması planlaşdırılır.

Eləcə də Lənkəran rayonu ərazisində yerləşən "Hirkan" QPS-dən qidalanan Şilim kəndində qaz kəmərində aşkarlanmış sızmanın aradan qaldırılmasından ötrü sabah saat 10:00-dan işlər başa çatanadək Moğonojba, Seyidəkəran, Tütəpeştə, Kənarmeşə, Şilim və Aşağı Nüvədi kəndləri olmaqla ümumilikdə 3000-ə yaxın abonentin qaz təchizatı dayandırılacaq.

Qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş edilir.

21:00

Qaz sızması ilə əlaqədar İmişlinin 19 kəndində və Biləsuvarın 11 qəsəbəsində qaz təchizatı dayandırılıb.

"Report"un məlumatına görə, "Otuzikilər" QPS-dən qidalanan PE-315 mm-lik qaz kəmərində aşkarlanmış qaz sızmasının aradan qaldırılması məqsədilə işlər yekunlaşana qədər İmişli rayonunun 19 kəndində, Biləsuvar rayonunun izibati ərazisində yerləşən 11 qəsəbədə (ümumi 10 min 364 abonent) qaz təchizatı dayandırılıb.

17:14

Bakının Nəsimi rayonu, Cəlil Məmmədquluzadə və akademik Həsən Əliyev küçələrinin kəsişməsində qaz xəttinin yerinin dəyişdirilməsi məqsədilə 16.07.2024-cü il saat 23:55-dən etibarən qaz təchizatı müvəqqəti olaraq dayandırılacaq.

"Azəriqaz"dan Oxu.Az-a verilən məlumata görə, qaz təchizatı dayandırılan müddətdə Nəsimi rayonunun C.Məmmədquluzadə, akademik H.Əliyev, Salamzadə, Y.V.Çəmənzəminli, C.Səlimov və Novruzov qardaşları küçələrində qaz təchizatında müvəqqəti fasilə yaranacaq.