27 
Noy
2023
12:18
27
10
839
Virtual karabakh

“Azərikard”ın “TezÖdə” ödəniş alətinin uğurlu təqdimatı keçirilib - FOTO

27 Noy, 2023
12:18
839

“Azərikard”ın “TezÖdə” ödəniş alətinin uğurlu təqdimatı keçirilib - FOTO

Bizim WhatsApp kanalımıza buradan abunə ola bilərsiniz

24 noyabr 2023-cü ildə “Azərikard” şirkəti özünün unikal, innovativ “TezÖdə” ödəniş alətinin təqdimatını keçirdi. Tədbir tərəfdaş bankların nümayəndələrini, aparıcı fintex şirkətlərini, strateji tərəfdaşları və digər dəyərli qonaqları bir araya gətirərək, dinamik və olduqca pozitiv bir mühit yaratdı.

“Azərikard”ın baş direktoru Fərid Quliyev tədbiri açaraq, şirkətin 26 illik uğurlu yolunu, strateji istiqamətlərini və “TezÖdə” ödəniş alətinin xüsusiyyətlərini vurğulayıb. O, komandaya və tərəfdaşlara  şirkətin inkişafına dəyərli töhfələri üçün təşəkkürünü bildirib.

“TezÖdə” ödəniş alətinin rəhbəri və partnyorlarla əlaqələrin idarə olunması şöbəsinin müdiri Emin Mehdiyev, 2022-ci ildə istifadəyə verilən “TezÖdə” alətinin hüdudsuz imkanlarını qeyd edib. O, “ASAN xidmət” mərkəzlərində, Heydər Əliyev Beynəlxalq Aeroportunda, parkinq və yanacaqdoldurma stansiyalarında sadə və əlçatan kontaktsız və avtomatlaşdırılmış ödəniş imkanlarına nəzər yetirib.

“Azərikard”ın baş direktorun müavini Zakir Əhmədov “TezÖdə” alətinin gələcək inkişaf istiqamətləri və planları haqqında ətraflı məlumat verib. Tədbirdə ən dəyərli anlardan biri də Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İnnovasiyalar Mərkəzi”nin direktoru Vüsal Rüstəmov və Heydər Əliyev Beynəlxalq Aeroportun direktoru Teymur Həsənovun çıxışları oldu. Onlar “TezÖdə”nin müştəri ehtiyacları və gözləntiləri nəzərə alınaraq hazırlandığını vurğulayıblar.

Tədbir çərçivəsində “Azərikard” və Özbəkistan Respublikasının İnnovasiyalar və Texnologiyaların Transferi üzrə Milli Ofisi, eləcə də “Azərikard” və IT Park Özbəkistan arasında strateji əməkdaşlıq memorandumları imzalanıb. Bu tərəfdaşlıq çərçivəsində “TezÖdə” ödəniş alətinin Özbəkistan Respublikasında tətbiqi və bank kartları və fintex sahəsində ən yaxşı dünya və regional təcrübələrin birgə öyrənilməsilə əməkdaşlığı  nəzərdə tutulur.

Tədbir “TezÖdə” ödəniş alətinin əsas iştirakçılarının “TezÖdə”nin İlk Müştərisi və İlk Ödənişi”, “Ən Çox Ödəniş Qəbul Edən Operator” və “Ən Fəal Qeydiyyat Aparan İşçi” kimi nominasiyalar üzrə mükafatlandırılması ilə sona çatıb.

Bizimlə əlaqə saxlayın

Digər Reklam xəbərləri