Aygün Kazımova klipə görə yıxıldı, burnu zədələndi – VİDEO

Xalq artisti Aygün Kazımova “Hardasan” adlı yeni mahnısını və klipini təqdim edib.  

Oxu.Az xəbər verir ki, sözləri Gülağa Tənhaya aid olan, modern aranjimanda hazırlanan mahnı bəstəkar İsmayıl Əsədov tərəfindən Aygün Kazımovaya hədiyyə edilib. 

Bəstəkar 11 ildir ki, bu mahnını Aygün Kazımovanın ifasında eşitməyi arzuladığını bildirib. Bir neçə saat ərzində musiqi platformlarında üst sıralara yüksələn “Hardasan” mahnısı Aygün Kazımovanın növbəti meqahiti hesab oluna bilər.

Klipdə Aygün Kazımovanın teatrallaşdırılmış rəqsi maraq oyadır. 

Ekran işində sənətçinin tərəf müqabili Türkiyədə fəaliyyət göstərən həmyerlimiz modelyer -dizayner Rüfət İsmayıldır. 

Klipin rejissoru Teymur Nəcəfzadə, özünün ekran işində xüsusi qrafika yaradıb. Montaj və rəng effektləri Elrəngə məxsusdur. Müğənninin imici üzərində Ruxa, Telman Heybətov və dizayner Rüfət İsmayıl çalışıb. Lahiyənin rəhbəri isə “SS Production”dır.

Qeyd edək ki, Kazımova klipin çəkilişləri zamanı yıxılıb və burnundan zədə alıb.

Pərviz Hüseyn
www.oxu.az