Azərbaycanlı müğənni: Ərimin həyatında başqa qadın var idi – VİDEO

ARB TV-nin “Gəlin danışaq” verilişinin növbəti qonağı son zamanların ən çox dinlənilən ifaçısı Damla olub.

Oxu.Az xəbər verir ki, o, ilk adının Məsumə olmasına baxmayaraq Damla kimi tanınmasına aydınlıq gətirib.

“İllər öncə prodüserim Rəhman Hacıyevlə tanış olanda mənə dedi ki, səs tembrin başqadı, bizim estrada müğənnilərinin səsinə bənzəmir. Adını dəyişək, insanlarda maraq oyadaq və efirdən öncə internet vasitəsilə təqdim edək. Hər kəs bilir ki, mən televiziya sayəsində tanınmamışam. Mahnımız hazır oldu, yalnız fotosessiya etdik. “Youtube”a yerləşdirdik və sosial şəbəkələrdə, saytlarda yayıldı. Hamı elə bildi ki, Türkiyə şou-biznesindən kimsə gəlib. Bir müddət sonra qınaqlar gəldi. Hələ də o qınaqlar davam edir. Həmin insanları anladığım üçün cavab vermirəm. Mən o insanları məcbur edə bilmərəm ki, mənə qulaq assınlar”,- deyə o bildirib.

İfaçı şəxsi həyatı barədə də açıqlama verib:

“Müğənnilikdən öncə kompyuterlə bağlı bir şirkətdə işləyirdim. Menecer vəzifəsində idim. Ali təhsil aldığım ərəfələrdə evlilik həyatı qurdum. 18 yaşımda evləndim. Maddi vəziyyətimiz o qədər də yaxşı deyildi. Düşündüm ki, müğənnilikdən uzaqlaşım. Şirkətdə çalışan zaman öz-özümə mahnı oxuyurdum. Mənə deyirdilər ki, səsin var, oxu.

İşləməyə başlayanda artıq boşanmışdım. Evliliyimiz 1 il sürdü. Evliliyimizin başa çatması mənimlə bağlı olmadı. Xaricdə yaşayırdı və orada özünə görə həyatı var idi. Bunu nə vaxta kimi uzatmaq olardı? Onun həyatında başqa qadın var idi. Həyatımda yaşadığım heç bir pis hadisə üçün depressiyaya düşmürəm. Əslində böyük psixoloji zərbə almışdım. Şükür ki, indi hər şey yaxşıdır. Peşman deyiləm”.

A.S.
www.oxu.az