Rusiyalı müğənni Soso Pavliaşvili əməkdar artist Zaur Əmiraslanovu ölümlə hədələyib.
Oxu.Az-ın Axşam.az-a istinadən məlumatına görə, buna səbəb müğənninin onun bəstəsini icazəsiz səsləndirməsi olub. Z.Əmiraslanova zəng edib özünü Soso Pavliaşvilinin köməkçisi kimi təqdim edən şəxs “Moryaçka” mahnısına görə ona etirazını bildirib.
Bu haqda əməkdar artistin dostu Elnur Əliyev məlumat verib:
“Bir nəfər gizli nömrədən zəng vurub, özünü Soso Pavliaşvilinin köməkçisi kimi təqdim edərək Zaura hədə-qorxu gəlib, üstəlik onu ölümlə hədələyib. Bir müddət əvvəl Zaur “Moryaçka” mahnısının Azərbaycan versiyasını hazırlamışdı. Bu bəstənin bir həftə ərzində “Youtube”da 20000 (iyirmi min) baxış sayına yüksəlməsi qarşı tərəfi özündən çıxarıb. Zəng vuran şəxs mahnının “Youtube”dan yığışdırılmasını və ümumiyyətlə, ifasını qadağan edib. Əks halda, 50000 (əlli min) ABŞ dolları təzminat tələb olunub. Artıq problemlə bağlı əməkdar artist vəkilə də müraciət edib”.
Rəylər