17-25 dekabr sui-istifadə və rüşvət istintaqında bir müddət məhbus qalan İran əsilli iş adamı Rza Zərrab və müğənni həyat yoldaşı Ebru Gündeş arasında soyuq küləklər əsir.
Oxu.Az Türkiyə KİV-nə istinadla xəbər verir ki, Ebru Gündeşin yüksək məbləğdə pul xərcləməsinə narahat olan Zərrabın bu mövzuda müğənnini tez-tez xəbərdar etdiyi iddia edilir. Gündeşin isə həyat yoldaşının bu rəftarına görə Zərraba aid olan heç bir şeyi istifadə etməmək qərarı aldığı deyilir.
Əvvəl həyat yoldaşının xüsusi təyyarəsiylə konsertlərinə gedən Gündeşin son zamanlar başqa təyyarə ilə konsertlərinə getməyə başlaması diqqət çəkib. Məşhur sənətçi hava limanının xidməti nəqliyyat vasitəsində də görünüb.
Hətta müğənninin yaşadığı problemlərə görə boşanma qərarı aldığı, lakin qızını atasız böyütmək istəmədiyi üçün boşanma iddiası açmadığı deyilir.
Aytən Sadıqzadə
www.oxu.az
