"Kurtlar Vadisi" unudulmadı: Çakırın ölümünün ildönümündə ehsan paylandı

Türkiyə televiziyası tarixinin əfsanəvi personajlarından biri olan Süleyman Çakır ölümünün 21-ci ildönümündə də sevənləri tərəfindən xatırlanıb.

Oxu.Az "Türkiye Qezetesi"nə istinadən xəbər verir ki, "Kurtlar Vadisi" serialının unudulmaz personajı üçün Ankarada Hacı Bayram Vəli məscidinin həyətində Ehsan paylanıb. Serialda Süleyman Çakırı canlandıran aktyor Oktay Kaynarca isə sosial media hesabından başsağlığı mesajı paylaşıb.

2004-cü ildə yayımlanan serialın 43-cü bölümündə ağır yaralanan və 45-ci bölümdə həyatını itirən personaj üçün o dövrdə Türkiyənin dörd bir yanında cənazə namazları qılınmışdı. 21 il keçməsinə baxmayaraq, Çakır obrazı hələ də izləyicilərin yaddaşında və qəlbində yaşamaqda davam edir.