“Maşın”sız qalan Azər: Bu, bir oyundur... – FOTO

“Maşın” realiti şouda bu dəfə aparıcı Azər Zahid ələnib. 

Oxu.Az-ın məlumatına görə, səsvermə kürsüsünə çıxan Oksana Rəsulova hədəf olaraq Azəri seçdiyini bildirib. 

Rəqqasə 65,61 faiz səs toplayaraq Azəri şoudan kənarlaşdırıb.

Azər realiti şounu tərk edəndən sonra açıqlama verib. O, heç kimin bilmədiyi qruplaşma haqqında danışıb: “Üzdə qruplaşma yoxdur. Amma hər kəs qruplaşmadır. Gələndən məni təkləmişdilər və istədiklərinə nail oldular. Dürüst, sözü üzə deyən adamı çıxardılar. Çünki onlar üçün güclü rəqib idim. Ona görə də hamının getmə vaxtı var. Elə bilirlər, onlar səslərini çıxarmamaqla finala qalacaqlar. Lakin onların heç biri finala qalmayacaq. Onlar çox zəif oyunçulardır. Sadəcə olaraq, sözü üzə dediyimə görə pis oldum. Məni Allah, valideynlərim və xalqım tanıyır. Bu, bir oyundur. Kimisi uduzur, kimisi udur. Biri kədərlənir, biri sevinir”.

Z.Q.
www.oxu.az