Məşhur türkiyəli prodüser və rejissor Ayşe Ersay səhər saatlarında müğənni Ajda Pekkanın evində infarkt keçirərək dünyasını dəyişib.
Oxu.Az bu barədə Türkiyə mətbuatına istinadən xəbər verir.
A.Ersay Xüsusi Yüksəliş Kollecini bitirdikdən sonra Bülent Osma ilə ailə qurub. Uzun sürən evlilikdən sonra həyat yoldaşından ayrılıb və İstanbula köçüb. Türkiyənin TRT və “Star” televiziyalarında çalışıb.
Ajda Pekkan, Sezen Aksu, Nilüfer, Zerrin Özer, Muazzez Abacı, Bülent Ersoy, Müslüm Gürses, Kenan Doğulu, Ayşegül Aldinç, Ahmet Kaya, Ebru Gündeş, Seda Sayan, Yıldız Tilbe, Hülya Avşar, Zuhal Olcay, Diana Ross, Shirley Bassey, Dionne Warwick, Al Jarreau, David Sanborn, Salif Kama kimi sənətçilərin konsertlərini hazırlayıb.
Aytən Sadıqzadə
www.oxu.az
Rəylər