Məşhur rusiyalı aktyor Pavel Priluçnının qayınatası Arşak Brutyan beynəlxalq axtarışa verilib və Rusiyada barəsində həbs qərarı çıxarılıb.
Oxu.Az-ın xəbərinə görə, bu barədə "RİA Novosti" hüquq-mühafizə orqanlarına istinadən məlumat verib.
Aktyorun həyat yoldaşı Zepyur Priluçnaya-Brutyanın atası olan Arşak Brutyan barəsində Moskva məhkəməsi beynəlxalq axtarış qərarı ilə yanaşı, həmçinin Rusiya ərazisində saxlandığı və ya ekstradisiya edildiyi andan həbs-qətimkan tədbiri seçib.
Qeyd edək ki, iyunun 19-da bildirildiyinə görə, Brutyana qarşı qanunsuz qumar oyunlarının təşkili maddəsi üzrə qiyabi ittiham irəli sürülüb. Buna görə onu 6 ilə qədər azadlıqdan məhrumetmə cəzası gözləyir.
